ABŞ-ın Təmsilçilər palatası Rusiyaya qarşı sanksiyaları ləngidir
ABŞ-ın Təmsilçilər palatasında Respublikaçılar partiyasının nümayəndələrinin əksəriyyəti Rusiyaya qarşı sanksiyaların səsverməsini dayandırıb.
"Ölkə.Az" xəbər verir ki, bu barədə nüfuzlu "Associated Press" mətbu orqanı məlumat verib.
Bildirilir ki, Rusiyaya qarşı sanksiyaları ehtiva edən qanun layihəsi beynəlxalq məsələlər üzrə komitəyə ötürülüb. Burada isə onun məzmunu dəyərləndirilməlidir. Bununla yanaşı, əgər ABŞ Konqresinin aşağı palatası qanun layihəsini dəyişsə, və yeni məzmunda qəbul etsə, bu zaman Senatla mətni razılaşdırmaq üçün "siyasi alış-veriş" başlayacaq.
Senat isə bir müddət əvvəl Rusiyaya qarşı yeni sanksiyalara aid qanun layihəsini təsdiqləmişdi.
Hikmət
Ölkə.Az
