Trampın kürəkəni Orta Şərqə səfər edəcək

"Ölkə.Az" xəbər verir ki, Cared Kuşner bu həftə Qüds və İordan çayının qərb sahilinə səfər edəcək. Kuşner Qüdsdə İsrailin baş naziri Netanyahu, İordan çayının qərb sahilində isə Fələstinin prezidenti Abbas ilə görüşəcək.

Ağ Evin mətbuat katibi Şon Spayser də mətbuatda bu səpkidə yer alan xəbərləri təsdiqləyib. Onun sözlərinə əsasən, Kuşner bu həftə Orta Şərqə sülh çərçivəsində səfər edəcək.

Kuşneri səfər boyu Trampın beynəlxalq müzakirə xüsusi təmsilçisi Ceyson Qrinblatt müşayiət edəcək. ABŞ hökuməti Orta Şərqdə sülh mövzusunda yeni addımlar atmaq niyyətindədir.

Hikmət
Ölkə.Az