ABŞ Suriyadakı aviasiyasının yerini dəyişdi

"Ölkə.Az" xəbər verir ki, Rakka səmasında Suriya ordusuna məxsus hərbi qırıcı vurulduqdan sonra Birləşmiş Ştatlar bu addımı atıb. Amerika komandanlığı bu tədbiri təhlükəsizliklə əlaqələndirib.

ABŞ mərkəzi hərbi hava qüvvələri komandanlığının nümayəndəsi Demien Pikart deyib: "Suriya rejimi və rus qüvvələri ilə toqquşduqdan sonra ehtiyat tədbirləri gördük. İŞİD terror qruplaşması ilə mübarizəni davam etdirmək üçün Suriyadakı təyyarələrimizin yerini dəyişdirdik. Bununla da uçuş ekipajının təhlükəsizliyini təmin etdik".

Qeyd edək ki, 18 iyun tarixində ABŞ qırıcıları Suriya hərbi təyyarəsini vurublar. Bundan sonra isə Rusiya tərəfi imzalanmış qarşılıqlı əməkdaşlıq barədə memarandumun ləğv edildiyini bildirib.

Hikmət
Ölkə.Az