Misirdə terrorçularla polis arasında atışma
“Ölkə.Az" xəbər verir ki, əməliyyat polis tərəfindən İskəndəriyyə şəhərinin yaxınlığında keçirilib. Bu barədə Misirin Daxili İşlər Nazirliyi məlumat yayıb.
Verilən məlumata görə, axtarışda olan terrorçular İskəndəriyyənin yaşayış məntəqələrinin birində mənzildə gizləniblər. Bu barədə polisə məlumat daxil olub. Məlumat əsasında həmin ərazi polislər tərəfindən mühasirəyə alınıb. Terrorçulara xəbərdarlıq edilib ki, təslim olsunlar.
Lakin terrorçular atəş açmağa başlayıblar. Polis də onlara cavab olaraq atəş açıb.
Qeyd edək ki, "Müsəlman qardaşları" hərəkatının əsası 1920-ci ildə Misirdə Həsən Bənna tərəfindən qoyulub. Misirdə törədilən qanlı cinayətlər fonunda "Müsəlman qardaşları" terror təşkilatı elan edilib. Misirdə 2013-ü ildən başlayaraq "Müsəlman qardaşları" təşkilatı tərəfindən yüzlərlə insan qətlə yetirilib.
Ziya Səccad
Ölkə.Az
