17 yaşında fahişəxana açan qız

ABŞ-da 17 yaşlı qız fahişəxana işlətdiyi üçün həbs olunub.

Ölkə.Az Radikal qəzetinə istinadən xəbər verir ki, ABŞ-ın Florida ştatındakı liseylərdən birində oxuyan şagirdləri fahişəliyə məcbur edən 17 yaşlı qız həbs olunub. Polis işçiləri Sarasota liseyində təhsil alan Aleksa Nikol De Armasın 15 yaşlı qızı 21 yaşlı Con Maykl Moşer adlı şəxslər fahişəliyə məcbur etdiyini açıqlayıblar.

"Sarasota Herald Tribune"da yer alan xəbərə görə, De Armas "Venice" liseyində oxuyan tələbələrin şikayətləri əsasında nəzarətə götürülüb. Polisin sosial media və telefon qeydlərində etdiyi araşdırmalar nəticəsində məlum olub ki, De Armasın şagirdləri içki və pul qarşılığında fahişəliyə məcbur edirmiş. Gənc qızın əldə etdiyi vəsaitin bir qismi hesabına narkotik maddələr aldığı da məlumatlar arasında yer alıb.

Polis, De Armasın əməllərindən zərər çəkmiş şəxslərlə əlaqədar istintaqın davam etdiyini və yaxın günlərdə cinayət işi ilə əlaqədar olaraq əlavə həbslərin də olacağını vurğulayıb.

Ölkə.Az