Bu ölkədə metroda qadınlar üçün xüsusi vaqonlar ayrılacaq
"Ölkə.Az" xəbər verir ki, bu barədə “Şanxay” Agentliyi məlumat yayıb. Yayılan informasiyaya görə, Çinin cənubundakı Quançjou şəhər metropolitenində qadınlar üçün xüsusi vaqonlar ayrılacaq. Bu təkliflə bağlı sınaqlar iyun ayının sonundan etibarən başlayacaq.
Metropoliten administrasiyası qeyd edib ki, günün pik saatlarında, yəni səhər 7:30-9:30 və axşam 17:00-19:00 radələrində qatarın bir vaqonu yalnız qadınlar üçün ayrılacaq.
Günün digər saatlarında kişilər bu vaqonlara daxil ola biləcək.
Qeyd edək ki, bu yenilik məcburi şəkildə tətbiq edilməyəcək. Çünki Çinin ictimai nəqliyyatının idarəedilməsi qanunlarına görə belə qaydaların icrası məcburi deyil. Bu qaydalar sadəcə tövsiyyə xarakterində olacaq. Bu addım PİK saatlarında qadınların metrodan istifadəsini yaxşılaşdırmaq məqsədi daşıyır.
Ziya Səccad
Ölkə.Az
