Çində torpaq sürüşməsi
Çinin Sıçuan əyalətində torpaq sürüşməsi baş verib.
"Ölkə.Az" xəbər verir ki, təbii fəlakət nəticəsində 141 nəfər itkin düşüb. Bu barədə Sıçuan vilayətinin mətbuat xidməti xəbər bölüşüb.
Məlumata əsasən bir neçə saatlıq axtarış-xilasetmə işləri nəticəsində torpaq layları altından cəmi iki nəfər çıxarmaq mümkün olub.
Çinin sədri Si Tszinpin ölümlərin sayını azaltmaq məqsədi ilə axtarış işlərini sürətləndirməyi tapşırıb.
Torpaq sürüşməsi Çinin cənubi-qərbində, Sıçuan vilayətinin Desi yaşayış məntəqəsində qeydə alınıb. Bu gün səhər saatlarında baş verən torpaq sürüşməsi 46 evin torpaq altında qalması ilə nəticələnib. Axtarış-xilasetmə işlərində 540 nəfər iştirak edir.
Hikmət
Ölkə.Az
