Kiyevdə terror
Ukraynanın paytaxtı Kiyev şəhərində partlayış baş verib.
"Ölkə.Az" xəbər verir ki, bu barədə Kiyev polis idarəsinin sözçüsü Oksana Blişik məlumat verib. Onun sözlərinə görə, partlayış avtomobildə olub.
Partlayış nəticəsində sürücü hadisə yerində həlak olub. Hadisə yaxınlığında olan bir vətəndaş da yaralanıb. Onu təcili yardım maşını ilə xəstəxanaya yerləşdiriblər. Həkimlər bildiriblər ki, yaralının həyatı üçün təhlükə yoxdur.
Hadisə yerinə dərhal Fövqəladə Hallar Xidmətinin əməkdaşları cəlb olunub. Partlayışın səbəbləri məlum deyil.
Ukrayna Prokurorluğu hadisənin terror aktı olmasını istisna etmir. Faktla bağlı 258-ci (terror) maddə ilə cinayət işi başlanıb, araşdırma aparılır.
Baş verən hadisə ərazidə quraşdırılan video müşahidə kamerası vasitəsilə qeydə alınıb.
Ziya Səccad
Ölkə.Az
