Mariya Zaxarova: “ABŞ-a qarşı cavab tədbirləri hazırlanıb”
"Ölkə.Az" xəbər verir ki, bu barədə Mariya Zaxarova "Rossiya 1" telekanalına müsahibəsində qeyd edib. Onun sözlərinə görə, Rusiya bu sanksiyalara görə ABŞ-a lazımı cavablar hazırlayır.
“ABŞ-ın Rusiya diplomatlarına 2016-cı ilin dekabrında tətbiq etdiyi sanksiyalara cavab tədbirləri hazırlanır. Cavab tədbirləri barədə yaxın günlədə ətraflı məlumat veriləcək”, - deyə M. Zaxarova bildirib.
M.Zaxarova əlavə edib ki, bu məsələ yalnız Rusiyanın Xarici İşlər Nazirliyi tərəfindən həll ediləcək.
Qeyd edək ki, Rusiya ilə Qərbin münasibətləri 2014-cü ildə Ukrayna-Krım məsələsinə görə pisləşdi. ABŞ və Avropa Birliyi Rusiyaya qarş sanksiyalar tətbiq etməyə başladı. ABŞ-ın 44-cü prezidenti Barak Obama hakimiyyətinin son günlərində Rusiyaya qarşı ardı-ardına 100-ə yaxın sanksiyalar tətbiq edib. Bu sanksiyalardan biri də Rusiyanın 35 diplomatına qarşı tətbiq edilib. Rusiya hökuməti ABŞ-ın 45-ci prezidenti Donald Trampın həmin sanksiyaları yüngülləşdirəcəyi, yaxud ləğv edəcəyi barədə ümid etsələr də, son baş verənlər Putin hakimiyyətinin bu arzusunu “ürəyində” qoydu.
Ziya Səccad
Ölkə.Az