BMT missiyasının əməkdaşları azad edilib
Liviyada BMT missiyasının əməkdaşlarını girov götürən silahlılar tələblərini irəli sürüblər.
"Ölkə.Az" xəbər verir ki, bu barədə “Sky News Arabia” telekanalı məlumat yayıb. Verilən məlumata görə, onlar Səudiyyə Ərəbistanı həbsxanalarından silahdaşlarının azad edilməsini tələb ediblər.
Bunun ardından kanal daha bir xəbər yayıb. Yayılan informasiyada bildirilib ki, Liviyanın qərbindəki Əz-Zaviyə şəhərində silahlılar tərəfindən girov götürülmüş BMT missiyasının 7 əməkdaşı azad edilib. Məlumatda qeyd edilib ki, BMT missiyasının əməkdaşları təhlükəsiz şəraitdə Mitiqa hava limanına göndəriliblər.
Qeyd edək ki, insident paytaxt Tripolidən 45 kilometr qərbdə yerləşən Əz-Zaviyə yaşayış məntəqəsində baş verib.
Ziya Səccad
Ölkə.Az
