ABŞ 6 müsəlman ölkəsinin vətəndaşlarına viza verilməsinə dəyişiklik etdi
ABŞ prezidenti Donald Trampın administrasiyası 6 müsəlman ölkəsinin vətəndaşlarına verilən viza şərtlərində dəyişiklik edib.
"Ölkə.Az" xəbər verir ki, əhalisinin əksəriyyəti müsəlman olan 6 dövlətə və bütün qaçqınlara verilən viza şərtlərində yeni tələblər irəli sürülüb.
Bildirilir ki, ABŞ Ali Məhkəməsi Trampın immiqrasiya qanununun fəaliyyətini qismən bərpa etdikdən sonra administrasiya bu addımı atıb.
Yeni tələblərlə bağlı sənəd ABŞ səfirlik və konsulluqlarına göndərilib. Yeni sənədə əsasən, 6 ölkənin vətəndaşları yaxın qohumları-valideyn, həyat yoldaşı, övladları, kürəkən, gəlin, bacı və ya qardaşlarının ABŞ-da yaşadığını sübut etməlidirlər.
Qeyd edilir ki, baba və nənə, nəvə, dayı və xala, qardaş uşaqları, əmi uşaqları gəlinlər və digər ailə üzvləri yaxın qohum sayılmırlar.
Hikmət
Ölkə.Az
