Almaniyadan Ərdoğana rədd cavabı

"Ölkə.Az" xəbər verir ki, zirvə ərəfəsində Ankara-Berlin münasibətləri gərginləşməkdə davam edir.

Türkiyə prezidenti Ərdoğanın zirvədən əvvəl Almaniyada mitinq keçirmək tələbinə rəsmi Berlin isti yanaşmayıb. Almaniyanın xarici işlər naziri Ziqmar Qabriel isə hər hansı bir tədbirin keçirilməsinin uyğun olmadığını bildirib.

Rusiyalı jurnalistlərə açıqlama verən Qabriel Türkiyədən rəsmi bir tələb gəldiyini qeyd edib.

Türkiyə prezidentinin mətbuat katibi İbrahim Kalın ötən həftə açıqlama verərək bildirmişdi ki, Referendum müddətində baş verən hadisələrin təkrar edilməməsi üçün alman rəsmilərinin hərəkətlərində müəyyən məsuliyyət olmalıdır: "Təhlükəsizlik təmin edilməlidir, salonlar yoxlanılmalıdır. Biz indi buna təbii baxırıq. Belə bir şərait yaradılsa, iclas keçirilə bilər. Təbii ki, Hamburqda yox, başqa bir şəhərdə mitinq keçirə bilərik".

Hikmət
Ölkə.Az