Obama İndoneziyaya səfər etdi
ABŞ-ın sabiq prezidenti Barak Obama 8 illik prezidentlik müddətinin başa çatmasından sonra ailəsi ilə istirahətə davam edir.
"Ölkə.Az" xəbər verir ki, Obama ailəsi 5 günlük İndoneziya tətilini Yogyakartaya edilən səfərlə başa vurub.
Barak uşaqlıq dövrünün bir hissəsini anasının elmlər doktoru müdafiə etdiyi İndoneziyada keçirib. Obama tətilin üç gününü Bali adasında olub. İndoneziyaya sabiq prezident hərbi təyyarə ilə təşrif buyurub. Prezident ailəsini 650 hərbçi qoruyub. Bölgədəki bir çox məbədi ziyarət edən Obama ailəsi raftinq turuna da çıxıb.
Barakın anası Enn Dunham oğlunun 6 yaşı olanda indoneziyalı bir şəxslə ailə həyatı quraraq Cakartaya köçmüşdü. 4 ildən sonra cütlük boşanmış, Enn Yogyakartaya gedərək işləməyə başlayıb. 10 yaşlı Obama isə Havay adalarına qayıdaraq nənə və babası ilə birlikdə yaşayıb.
Hikmət
Ölkə.Az
