“G-20” sammitində Putinlə Tramp görüşəcəkmi?
Ağ Ev Rusiya prezidenti Vladimir Putinin ABŞ-ın dövlət başçısı Donald Trampla “G-20” sammitində görüşəcəyini təsdiqləyib.
"Ölkə.Az" xəbər verir ki, ABŞ prezidentinin milli təhlükəsizlik məsələləri üzrə müşaviri, general Herbert Makmaster bildirib. Onun sözlərinə görə, iki ölkə rəhbərinin görüşü nəhayət ki baş tutacaq.
“Almaniyanın Hamburq şəhərində keçiriləcək “G-20” sammitində D.Tramp dünya ölkələrinin rəhbərlərilə görüşəcək. O cümlədən də, Putinlə görüş baş tutacaq”, - deyə Makmaster bildirib.
Ağ Ev rəsmisi əlavə edib ki, Tramp həmçinin Almaniyanın kansleri Merkel və İngiltərənin baş naziri Tereza Meylə də görüşəcək.
Qeyd edək ki, “G20” sammiti iyulun 7-8-də Almaniyanın Hamburq şəhərində keçiriləcək.
Ziya Səccad
Ölkə.Az
