Çilidə həkimlər futbol oyununa görə əməliyyatı yarıda kəsdilər
Çilidə növbəti qalmaqal baş verib.
"Ölkə.Az" xəbər verir ki, qalmaqala səbəb həkimlərin Konfederasiya Kuboku futbol yarışına baxmaq istəyi olub.
Məlumata əsasən, əməliyyat zamanı cərrahlar Portuqaliya ilə Çili yığmasının oyunu vaxtı doğma komandalarının vurduğu qolu görmək üçün əməliyyatı yarıda dayandırıblar.
Çili universiteti nəzdində fəaliyyət göstərən xəstəxana rəhbərliyi faktla bağlı araşdırmaya başlayıb. Tibb müəssisəsininin rəsmi bəyənatında deyilir: "Biz bütün administrativ tədbirləri gördük. Həkimlərin davranışı xəstəyə qarşı hörmət prinsiplərinə ziddir".
Eyni zamanda bildirilir ki, əməliyyat olunan xəstənin vəziyyəti yaxşıdır.
Hikmət
Ölkə.Az
