Trampın miqrantlar haqqında qanunu qüvvəyə mindi

"Ölkə.Az" xəbər verir ki, amerika vaxtı ilə axşam saatlarında Trampın yeni miqrasiya qanunu qüvvəyə minib və bu məlumatı Ağ Evdən veriblər.

Ağ Evin məlumatında deyilir: "Biz diplomatik missiyalarımıza təlimat verdik ki, 29 iyun tarixində Şərqi Amerika vaxtı ilə 20:00 radələrində yeni sərəncamı tətbiq etməyə başlasınlar".

Bu vaxta qədər sərəncam hakimlərin qərarı ilə ləğv edilirdi. Həftənin bazar ertəsi ABŞ Ali Məhkəməsi appelyasiya şikayətinə baxmağa razılıq verdi. Məhkəmənin qərarından 72 saat sonra yeni qaydalar qüvvəyə mindi.

Yeni sənədə əsasən, 6 ölkənin vətəndaşları yaxın qohumları-valideyn, həyat yoldaşı, övladları, kürəkən, gəlin, bacı və ya qardaşlarının ABŞ-da yaşadığını sübut etməlidirlər.

Qeyd edilir ki, baba və nənə, nəvə, dayı və xala, qardaş uşaqları, əmi uşaqları gəlinlər və digər ailə üzvləri yaxın qohum sayılmırlar.

Hikmət
Ölkə.Az