Almaniya hökuməti \"Facebook\" və \"Youtube\"a gözdağı verdi

"Ölkə.Az" xəbər verir ki, yeni qanuna əsasən nifrət cinayətini əks etdirən paylaşımları 24 saat ərzində silməyən sosial şəbəkələr 50 milyon avroya qədər cərimələnəcəklər.

Qanun oktyabr ayında qüvvəyə minəcək. Yeni qanun 2 milyondan çox istifadəçisi olan internet səhifələrinə şamil ediləcək.

Cəzalar nifrət cinayəti ilə yanaşı şiddət, uşaq pornoqrafiyası, ifratçılığa aid paylaşımlara da aid olacaq.

"Facebook" isə bu qanunla bağlı açıqlama verərək qanunun problemləri həll etmək üçün yararlı olmayacağını bildirib.

Almaniyanın ədliyyə naziri "Facebook"un tənqidlərinə cavab olaraq bildirib ki, rəqəmsal nifrət cinayətləri 300 faiz artıb.

Hikmət
Ölkə.Az