Ərdoğan, Tramp və Putin qərar verdilər

"Ölkə.Az" xəbər verir ki, bu barədə Ağ Evdən məlumat verilib. Verilən məlumata görə, danışıq zamanı iki ölkə rəhbəri dünyada mövcud problemləri müzakirə ediblər. 

“Danışıqlar zamanı Qətərlə Ərəb dövlətləri arasında yaranmış münaqişə müzakirə edilib. Bundan başqa, iki ölkə başçısı terrorla mübarizədə əməkdaşlıq barədə danışıblar. Regiondakı problemlər və ondan çıxış yolları barədə danışan liderlər üz-üzə görüşmək qərarına gəliblər. Trampla Ərdoğan  “G -20” sammitində görüşməyə qərar veriblər”, - deyə məlumatda bildirilib.

Trampla Ərdoğanın telefon danışığı 40 dəqiqə ərzində davam edib.

Daha sonra Rusiya prezidenti Vladimir Putin və Türkiyə prezidenti Rəcəb Tayyib Ərdoğan arasında telefon danışığı olub.

Kremlin mətbuat xidmətindən verilən məlumata görə, telefon danışığı zamanı prezidentlər Suriya böhranının tənzimlənməsinin əsas aspektlərini müzakirə ediblər.

Danışıq zamanı prezidentlər Suriyada vəziyyətin nizamlanmasına dair iyulun əvvəlində Astanada keçiriləcək 5-ci beynəlxalq görüşlə bağlı məqamları müzakirə ediblər.

“Ərdoğanla Putin danışığın sonunda görüş vaxtını təyin ediblər. İki ölkə rəhbəri “G -20” sammitində görüşməyə qərar veriblər.

Ziya Səccad
Ölkə.Az