Nigerdə terrorçular kəndə hücum etdilər
Nigerdə "Boko Haram" qruplaşmasının döyüşçüləri bir kəndə hücum ediblər.
"Ölkə.Az" xəbər verir ki, Nigerin cənubunda həyata keçirilən hücumda 9 nəfər həlak olub. Bu barədə rayonun meri məlumat verib.
Bildirilir ki, hücum axşam saatlarında baş verib. Dəvəyə minmiş terrorçular Nqaleva kəndinə hücum ediblər. Nqaleva Nigerlə Nigeriyanın şimal sərhədindən 50 km-lik məsafədə yerləşir. Terrorçular 30 nəfəri girov götürüblər. Rayonun meri isə bildirir ki, 40 nəfər uşaq və qadın oğurlanıb.
Hikmət
Ölkə.Az
