Astanada Suriya danışıqları başladı
Qazaxıstanın paytaxtı Astana şəhərində iki günlük Suriya müzakirələri başlayıb.
"Ölkə.Az" xəbər verir ki, danışıqların əsas mövzusu deeskalasiya bölgələrinin təyin edilməsidir. Bu barədə memarandum 3-4 may tarixlərində keçirilən Astana görüşlərində imzalanmışdı.
Verilən məlumata əsasən, əsas diqqət mərkəzində deeskalasiya bölgələrini reallığa çevirməkdir. Bu çox çətindir. Birincisi, xəritə üzərində razılaşmaq lazımdır. Sonra isə kimin nəyə nəzarət edəcəyi və məhz nəyə nəzarət edəcəyi bilinməlidir.
Bundan başqa "Ən-Nusra" və İŞİD terrorçuları ilə necə davranmaq da müzakirə ediləcək.
Artıq dünən ekspertlər səviyyəsində ikitərəfli bir sıra görüşlər keçirilib. Bu gün isə görüşlər nümayəndə heyətləri səviyyəsində müxtəlif formatlarda davam edəcək.
Hikmət
Ölkə.Az
