Çində sel daşqınları
Çinin cənubunda sel daşqınları 30 nəfərdən çox insanın ölümünə səbəb olub.
"Ölkə.Az" xəbər verir ki, bir sıra əyalətlərdə şiddətli yağışın səbəb olduğu sel suları nəticəsində 33 nəfər həlak olub, 15 nəfər isə itkin düşüb.
Çinin cənub əyalətlərində bir neçə gündür ki, leysan yağışları yağır. Təbii fəlakət 9.5 milyon insana ziyan vurub.
Hökumət Anxoy, Tsyansi, Xubey,Xunan, Sıçuan, Quyçjou, Quansi-Çjuan vilayətlərindən yüz minlərlə sakini təxliyyə edib.
Daşqınlar Çin iqtisadiyyatına 2.65 milyard dollar ziyan vurub. 19 mindən çox ev dağılıb. 189 min bina zədələnib. 668.2 min milyon hektar əkin sahəsinə ziyan dəyib.
Hikmət
Ölkə.Az
