İndoneziya paytaxtını dəyişir
Dünyanın ən böyük ada ölkəsi İndoneziya iki il ərzində paytaxtını dəyişdirəcək.
"Ölkə.Az" xəbər verir ki, paytaxt Cakarta maliyyə və iş mərkəzi kimi qalacaq. Yeni paytaxtın hansı şəhər olacağı isə hələ məlum deyil.
İndoneziya prezidenti Yoko Vidodo prezident sarayında paytaxtın dəyişdirilməsi ilə bağlı iclas keçirib. İndoneziya mətbuatının xəbərinə əsasən milli inkişaf və planlaşdırma naziri iclasda bildirib ki, çalışmalar ilin sonuna qədər bitəcək: "2018 və ya 2019-cu ildə mərkəzi hökumətin yeni paytaxta köçürülməsi başlayacaq".
Kommunikasiya işlərinin tamamlanması və hökumət binalarının köçürülməsi üçün 3-4 il kifayət edəcək.
Qeyd edək ki, 10 milyon əhalisi olan Cakarta şəhərinin yerləşdiyi Yava adası hər il 25 sm suya batır.
Hikmət
Ölkə.Az
