Liviyanın Benqazi şəhəri terrorçulardan azad edildi
Liviyanın Benqazi şəhəri terrorçulardan azad edilib.
"Ölkə.Az" xəbər verir ki, bu barədə Liviya milli ordusunun komandanı Xəlif Xəftar məlumat verib.
Xalqa müraciət edən Xəftar deyib: "Sizin silahlı qüvvələriniz sizə elan edir ki, Benqazi terrorçulardan təmizləndi. Benqazi tamamilə azad edilib. Bu şərəf qələbəsidir. Benqazi sülh və təhlükəsizlik dövrünə qədəm qoydu".
Xəftarın rəhbərlik etdiyi Liviya milli ordusu BMT tərəfindən tanınmış Liviya hökumətinə tabe olmur. Bu dövlətin paytaxtı Tripolidir və 2016-cı ildə qurulub. Xəftarın qüvvələri Tobruk şəhərində iclas keçirən Liviya parlamenti ilə sıx əlaqədədir.
Terrorçu qüvvələrə qarşı Liviya ordusunun "Liviya ləyaqəti" adlı əməliyyatı 2014-cü ildən başlayıb. Benqazi əməliyyatın əsas məqsədlərindən biri idi.
Hikmət
Ölkə.Az
