Kipr müzakirələri başa çatdı
İsveçrədə keçirilən Kipr danışıqları başa çatıb.
"Ölkə.Az" xəbər verir ki, Krans-Montana şəhərində 10 gün davam edən danışıqlarda nəticə əldə edilməyib. Bu barədə Türkiyənin xarici işlər naziri Mevlud Çavuşoğlu məlumat verib. Nazir müzakirələrin nəticəsiz qaldığını bildirib.
Jurnalistlərə açıqlama verən türkiyəli diplomat deyib: "Təəssüflər olsun ki, bütün səylərə baxmayaraq nəticə əldə edilmədi. Dürüstlüyə uyğun olmayan addımlar gördük. Hərbçiləri geri çəkmək və təminatçılığın başa çatmasını qəbul edə bilmərik. Bunun sonuncu konfrans olduğunu bildirmişik".
BMT-nin baş katibi Antonio Quterres də açıqlama verərək "Bütün səylərə baxmayaraq razılaşma əldə edilmədi"-deyib.
Hikmət
Ölkə.Az
