Stoltenberq: "Rusiya Ukraynanın NATO-ya daxil olmasına mane ola bilməz"
NATO-nun baş katibi Yens Stoltenberq sensasion bəyanatla çıxış edib.
Ölkə.az alyansın rəsmi saytına istinadən xəbər verir ki, Stoltenberq heç bir üçüncü ölkənin Ukraynanın NATO-ya üzv olması prossesinə maneəçilik törədə bilməyəcəyini bəyan edib.
"NATO-ya daxil olmayan heç bir ölkənin alyansın daxili işlərinə qarışmağa, ona üzv olmaq istəyən hər hansı bir suveren dövlətə öz şərtlərini diqtə etməyə haqqı yoxdur", deyə NATO-nun baş katibi bildirib.
O, Putinlə görüşüb bütün mübahisəli məsələlərə aydınlıq gətirməyə hazır olduğunu vurğulayıb.
Xatırladırıq ki, Ukraynanın NATO-ya üzvlük məsələsinə Rusiya sərt reaksiya verərək bunun yolverilməz olduğunu bəyan etmiş və Kiyevi bu addımı atmaqdan çəkindirməyə çağırmışdı.
Ölkə.az
