Ermənistanda kütləvi zəhərlənmə baş verib

Ölkə.az erməni KİV-lərinə istinadən xəbər verir ki, ölkənin Eqvard şəhərində uşaq bağçasında kütləvi zəhərlənmə baş verib.

İlkin məlumata görə 15 uşaq zəhərlənmə diaqnozu ilə xəstəxanaya çatdırılıb.

Yerli xəstəxananın imkanlarının olmaması ucbatından uşaqları təcili İrəvana, uşaq infeksiya xəstəxanasına aparıblar.

Hazırda zəhərlənmənin səbəbləri araşdırılır.

Xatırladırıq ki, bu Ermənistanda baş verən yeganə hadisə deyil. Əhalinin alıcılıq qabiliyyətinin həddən artıq aşağı olduğu ölkədə sadə vətəndaşlar ucuz və keyfiyyətsiz ərzaq məhsulları almaq məcburiyyətində qaldığından zəhərlənmə faktları Ermənistanda çox tez-tez qeydə alınır.

Ölkə.az