Avrasiya forumunda Qarabağ qalmaqalı

Dağlıq Qarabağ nə Ermənistanın, nə də Azərbaycanın ərazisi kimi göstərilib.

Ölkə.Az Haqqin.az saytına istinadən xəbər verir ki, Rusiyanın Kazan şəhərində keçirilən "Avrasiya inteqrasiyası: nailiyyətlər və problemlər" adlı ikinci ictimai forumda qalmaqallar yaşanıb.

Belə ki, forumun gedişatında Avrasiya ittifaqı haqqında yeni postsovet iqtisasi ittifaqının xəritəsinin yer aldığı videoçarx nümayiş olunub. Sözügedən xəritədə Rusiya ilə qonşu olan dövlətlər, o cümlədən, Azərbaycan da yer alıb. Lakin ,Ermənistan istisna olmaqla, ittifaqa daxil olan dövlətlərin Azərbaycan ərazisi kimi tanıdığı Dağlıq Qarabağ nə Ermənistanın, nə də Azərbaycanın ərazisi kimi göstərilib.

Yeni siyasi xəritə Azərbaycan nümayəndə heyətinin təmsilçilərinin etirazına səbəb olub. "Vahid Rusiya" partiyasının xətti ilə tədbirdə iştirak edən deputat Aydın Mirzəzadə çıxışında İttifaqa daxil olan dövlətlərin vətəndaşlarının 2015-ci ilin yanvarından sonra Azərbaycan hökumətinin icazəsi olmadan Dağlıq Qarabağ və digər işğal olunmuş ərazilərə səfər edəcəyi barədə narahatlığını ifadə edib.

Forumun təşkilatçıları, daha dəqiq desək, Tatarıstan hökuməti Qarabağın Azərbaycanın ərazisi kimi göstərilməməsini izah edə bilməyiblər. Onlar, Azərbaycan tərəfinə sözügedən xəritədə müəyyən düzəlişlər aparmağı məsləhət görüblər.

Dünən Avrasiya forumu öz işini yekunlaşdırıb.

Rəşid Mustafazadə

Ölkə.Az