Roma Papası gizli arxivlərin üstünü açır

Sənədlər elmi tədqiqatların aparılması üçün açıq olacaq.

Ölkə.Az İsrailin "Jediot Acharonot" qəzetinə istinadən xəbər verir ki, rəsmi Vatikan Holokost dövrünün gizli arxivlərini açılması barədə qərar verib.

Roma Papası Fransisk İkinci dünya müharibəsi dövrünün sənədlərinin təqdim olunması prosesinin uzanmasını inzibati prosedurların çoxluğu ilə izah edib. O, "Jediot Acharonot" qəzetinə müsahibəsinə Vatikan arxivində saxlanılan gizli sənədlərin ictimaiyyətə açıqlanmasının təxirə salınması haqda yayılan şaiyələri əsassız adlandırıb. Papa Fransisk bildirib ki, inzibati və hüquqi maneələr dəf olunduqdan sonra Yəhudi soyqırımı məsələsini də özündə əks etdirən sənədlər elmi tədqiqatların aparılması üçün açıq olacaq.

Xatırladaq ki,Yəhudi soyqırımı nəticəsində Almaniyanın faşizm dövründə təxminən 6 milyon nəfər sistemli şəkildə öldürülmüşdü.Yəhudilər başda olmaqla sintlər, romanlar və digər "qaraçı" kimi sayılan şəxslər, faşizm əlehdarı olan almanlar, əlillər, homoseksuallar və döyüş əsirləri bu qətliamın qurbanına çevirilmişdilər. Bəzi alimlər isə Holokostu yalnız Yəhudi soyqırımı olaraq qəbul edirlər.

Rəşid Mustafazadə

Ölkə.Az