Ermənistan bankrotda

Rusiyadan bu ilin oktyabrında Ermənistana fiziki şəxslər tərəfindən bank vasitəsilə 137,5 milyon dollar pul köçürülüb. Bu, əvvəlki ilin eyni dövrü ilə müqayisədə 19% azalma deməkdir.

Bu barədə Ermənistan Mərkəzi Bankının saytında bildirilir.

Hesabat dövründə respublikaya şəxsi pul köçürmələrinin ümumi həcmində Rusiyadan ötürmələrin payı 85% olub. Ötən ildə Rusiyadan respublikaya pul axını ümumi daxili məhsulun təqribən 15,4%-ni, ($1,6 milyard) təşkil edib.

Bu ilin oktyabrda Ermənistandan Rusiyaya pul vasitələrinin axını 17,4 milyon dollar (7,7%) təşkil edib. Bu keçən ilin eyni dövrü ilə müqayisədə 7% artım deməkdir.

Beləliklə, Ermənistana Rusiyadan daxilolmaların ümumi həcmi $120,2 milyon (21,8%) olub. 2013-cü ilin oktyabrı ilə müqayisədə bir ayda azalma 7% olub.

Rusiyadan pul köçürmələrində azalma beş aydır ardıcıl müşahidə olunur. Belə ki, iyunda 4,6%, iyulda 6,6%, avqustda 7,7%, sentyabrda 7%, oktyabrda isə 19% düşüş qeydə alınıb.

Bunun azalmasının 30 faizədək səbəbi beynəlxalq bazarlarda rublun devalvasiyası ilə bağlıdır. Ermənistanda bir rublun kursu bu gün 8,72 dramdır. Halbuki, bu ilin yanvarında 12,26 dram olub.

Mərkəzi Bankın məlumatına görə, Ermənistana 2014-cü ilin oktyabrında ümumilikdə 161,6 milyon dollardan çox (17,1%) pul daxil olub. 2013-cü ilin oktyabrı ilə müqayisədə 5 faiz azalıb. 2013-cü ildə bu məbləğ 869,7 milyon dollar təşkil edib. (anspress)

Ölkə.Az