Qahirədə etirazlar

Misirdə hazırda həbsdə olan Misirin keçmiş prezidenti Hüsnü Mübarək barəsində bəraət hökmü verilməsi ölkədə etirazlara səbəb olub.

Misirin paytaxtı Qahirənin Təhrir meydanında çox sayda etirazçı ilə təhlükəsizlik qüvvələri arasında qarşıdurma yaşanıb və 2 nəfər etirazçı ölüb, 9 nəfər isə yaralanıb. Bu barədə ölkənin səhiyyə naziri sözçüsü Hüsam Abdulqaffaq məlumat verib. 

Misir məhkəməsinin keçmiş prezident Hüsnü Mübarək üzərindən 2011-ci ildə nümayişçilərin öldürülməsi və korrupsiya ilə bağlı ittihamları götürməsi etirazların əsas səbəi olub. Bundan başqa, təhlükəsizlik xidmətinin yeddi keçmiş yüksəkvəzifəli əməkdaşı, o cümlədən keçmiş daxili işlər naziri Həbib əl-Adili də bu ittihamlar üzrə bəraət alıblar.

Buna baxmayaraq, Hüsnü Mübarək həbsxanada qalacaq. O, başqa korrupsiya cinayətinə görə 3 illik cəza çəkir.

Hüsnü Mübarək onun devrilməsi ilə nəticələnən 2011-ci il nümayişləri zamanı insan ölümündə təqsirli bilinərək iki il əvvəl ömürlük həbsə məhkum olunmuşdu. Ötən il apellyasiya məhkəməsi prosessual pozuntulara əsaslanaraq hökmü ləğv edib. (anspress)

Ölkə.Az