Lukaşenko Putinə: "Biz sizin küçüyünüz deyilik!"

Belarus prezidenti Aleksandr Lukaşenko Rusiyanı sərt tənqid atəşinə tutub.

Ölkə.az Belarusun dövlət televiziyasına istinadən xəbər verir ki, prezident Lukaşenko Rusiyanın ölkəsindən idxal etdiyi ətə qadağa qoymasına münasibət bildirib.

"Rusiya bu hərəkəti ilə özünü güclü hesab edir və qüvvəsini nümayiş göstərir. Biz Rusiyanın bu ağır vəziyyətində ona ən ucuz qiymətlə ət satırıq. Bu qərarla sanki Rusiya hökuməti özü qəsdən ölkədə ərzaq qıtlığı yaradır. Bizə təzyiq göstərmək lazım deyil. Biz həmişə etibarlı dost olduğumuzu sübut etmişik. Biz küçük deyilik və Rusiya rəhbərliyi mənim belə şeyləri həzm etməyəcəyimi gözəl bilir", deyə Lukaşenko hiddətlə bildirib.

Xatırladırıq ki, "Rosselxoznadzor" Belarusdan idxal olunan 400 min ton mal və donuz ətinin ölkəyə gətirilməsinə keçən həftə qəbul etdiyi qərarla qadağa qoymuşdu.

Ölkə.az