Avropanın yeni rəhbəri seçildi

Polşanın sabiq Baş naziri Donald Tusk Avropa Şurasının yeni sədri seçilib. Son 5 ildə bu postu Belçika hökumətinin sabiq rəhbəri Herman van Rompey tuturdu.

"Vista" xəbər agentliyinin məlumatına görə, Herman van Rompey vəzifə səlahiyyətlərini Belçikanın paytaxtı Brüsseldə keçirilən tədbirdə Donald Tuska təhvil verib. Tusk bu gündən rəsmi olaraq Avropa Şurasının sədri postunda səlahiyyətlərinin icrasına başlayıb.

Donald Tusk keçmiş kommunist bloku ölkələrindən çıxan ilk Avropa Şurası sədridir. O, bu vəzifədə Avropa Birliyinə üzv 28 ölkənin dövlət və hökumət başçılarının sammitinə hazırlıqla, eləcə də Ukraynadakı böhran, Rusiya ilə münasibətlər, Avrozonanın zəif iqtisdiyyatı kimi problemli məsələlərlə məşğul olacaq./Anspress/

Ölkə.Az