Sonuncu alman "Tornado"su İncirlik bazasını tərk etdi
Almaniya hökuməti İncirlik hərbi bazasındakı "Tornado" kəşfiyyat təyyarələrini geri çəkdi.
"Ölkə.Az" xəbər verir ki, 2016-cı ilin yanvar ayından başlayan proses başa çatıb. Sonuncu "Tornado" bazanı tərk edib.
Türkiyənin alman millət vəkillərinin bazaya səfərinə icazə verməməsindən sonra rəsmi Berlin iyun ayında İncirlik hərbi bazasındakı 260 hərbçi və 6 "Tornado" kəşfiyyat təyyarəsini İordaniyaya köçürmək barədə qərar qəbul etmişdi.
Almaniya müdafiə nazirliyinin məlumatına əsasən sonuncu "Tornado" bazar günü bazanı tərk edib. "Tornado"lar Raynland Pfalz vilayətindəki Büxel hərbi hava bazasına geri qayıdıblar.
Hikmət Həsənov
Ölkə.Az
