ABŞ-dan Şimali Koreyaya ballistik raket cavabı
Şimali Koreyanın qitələrarası ballistik raket sınağına ABŞ-ın cavabı gecikmədi.
"Ölkə.Az" xəbər verir ki, Kaliforniyadakı hərbi bazadan ABŞ qitələrarası ballistik raket atıb.
Cənubi Koreya ilə ABŞ-ın birgə hərbi təlimləri davam edir. Cənubi Koreya öz istehsalı olan "Hyunmoo 2" ballistik raketi ABŞ-la həyata keçirdiyi hərbi təlimlərdə sınaqdan keçirib.
Cənubi Koreya prezidentinin mətbuat katibi deyib: "Raketimiz Şimali Koreyanın hücum ehtimalına qarş bizim ölüm zəncirimizin açarı olacaq".
Bu sınaqdan başqa ABŞ tərəfi də "Minuteman 3" adlı qitələrarası ballistik raketi sınaqdan keçirib. ABŞ Şimali Koreyadakı vətəndaşlarını 1 sentyabrda tətbiq ediləcək səyahət qadağasından əvvəl ölkəni tərk etməyə çağırıb.
Hikmət Həsənov
Ölkə.Az
