Fransanın eks-prezidenti rüşvətxorluqda ittiham edilir

"Ölkə.Az" xəbər verir ki, iddiaya əsasən Nikolya Sarkozi Qətərdən rüşvət alıb. Fransa prokurorluğu istintaqa başlayıb.

Prokurorluğun məlumatına əsasən 62 yaşlı Sarkozi 2022-ci ildə dünya çempionatının Qətərdə keçirilməsinə kömək edib. Bunun üçün isə Şeyxdən rüşvət alıb. Ehtimal edilir ki, eks-prezident "Qatari Diar" adlı Qətər şirkətinə kömək edib. Bu şirkət isə 2010-cu ildə "Veoliain" fransız şirkətinə şərik olmaq istəyirdi.

Bundan başqa Sarkozi Qətər fondunun Fransanın "Pari Sen Jermen" futbol klubuna şərik olmaq üçün aparılan danışıqlara təsir edib.

Qeyd edək ki, fevral ayında Sarkozi Liviyanın sabiq lideri Qəddafidən bir neçə milyon dollar rüşvət almaqda ittiham edilmişdi.

Hikmət Həsənov
Ölkə.Az