Çin-Hindistan sərhədində gərginlik
Çin və Hindistan arasında 3.500 km-lik sərhəd xətti var.
"Ölkə.Az" xəbər verir ki, Hindistanla sərhəd problemi yaşayan rəsmi Pekin Tibet muxtar bölgəsinə raketlərdən atəş açaraq təlim keçib.
Pekinin iddiasına əsasən yüzlərlə hind əsgəri sərhəd xəttini pozur. Bu səbəbdən Tibetə həqiqi raket mərmilərindən atəş açılıb.
İki gün əvvəl Çinin xarici işlər nazirliyi 400-dən çox hind əsgərinin sərhəd xəttini pozduğunu bildirərək Hindistanı sərt şəkildə qınamışdı. Çin sərhədi keçən hərbçilərdən 40 nəfərin saxlanıldığını bildirib.
Mübahisəli sərhəd xətti isə 1890-cı ildə Çin və İngiltərə arasında imzalanan müqavilə ilə müəyyənləşdirilib. Hindistanı müttəfiqi Butandan ayıran vadinin Çinin nəzarəti altında olması Pekin-Yeni Delhi arasında gərginliyə səbəb olur.
Hikmət Həsənov
Ölkə.Az
