BMT Səddam dövrünə aid pulları faizi ilə İraqa qaytardı

"Ölkə.Az" xəbər verir ki, neft əvəzinə qida və dərman proqramı çərçivəsində BMT-nin ələ keçirdiyi 131 milyon dollar pul faizi ilə birlikdə İraq hökumətinə qaytarılıb.

Bu barədə İraqın xarici işlər nazirliyinin mətbuat katibi Əhməd Camal məlumat verib. Diplomat bildirib ki, BMT-nin ələ keçirdiyi 131 milyon dollar pul 6 illik faizi ilə birlikdə qaytarılıb.

İraq hökuməti uzun müddətdir ki, BMT baş katibliyi ilə bu mövzuda danışıqlar aparırdı. Danışıqlar nəticəsində BMT pulları geri qaytarmaq barədə qərar qəbul edib.

Qeyd edək ki, Küveytin Səddam Hüseyn tərəfindən 2 avqust 1990-cı ildə işğal edilməsindən sonra beynəlxalq ictimaiyyətin tələbi ilə BMT İraqa embarqo tətbiq etmişdi. BMT-nin Təhlükəsizlik Şurası isə müəyyən miqdar neft ixracatına icazə verərək, əvəzində qida və dərman alınmasına şərait yaratmışdı.

Hikmət Həsənov
Ölkə.Az