ABŞ iqlim müzakirələrindən rəsmi şəkildə geri çəkildi
ABŞ hökuməti iqlim müzakirələrindən rəsmən ayrılıb.
"Ölkə.Az" xəbər verir ki, ABŞ xarici işlər nazirliyindən bu barədə açıqlama verilib. Açıqlamaya əsasən rəsmi Vaşinqton Paris İqlim Müqaviləsindən geri çəkilib. Amma Vaşinqtonun iqlim müzakirələrində iştirak etməyə davam edəcəyi də bildirilib.
Beynəlxalq ictimaiyyətin reaksiyasına səbəb olan qərardan sonra bəziləri Trampı fikrindən döndürə biləcəklərini düşünsələr də, rəsmi Vaşinqton müqavilədən rəsmən geri çəkildiyini bəyan edib. Nazirlikdən verilən açıqlamada deyilir: "ABŞ-ın maraqlarını qorumaq və gələcəkdəki siyasi xəttinin idarəetməyə açıq qala bilməsi məqsədi ilə beynəlxalq iqlim dəyişikliyi görüşlərində iştirakımıza davam edəcəyik".
Hikmət Həsənov
Ölkə.Az
