Venesuela prezidenti: \"Hücumun arxasında ABŞ və Kolumbiya var\"

 "Ölkə.Az" xəbər verir ki, üsyanın qarşısı alınıb və Maduro açıqlama verib. Venesuela prezidenti Valensiya şəhərində hərbi bazaya edilən hücuma görə ABŞ və Kolumbiyanın məsuliyyət daşıdığını bildirib.

Üsyançılar hökumət tərəfindən terrorçu adlandırılıb və iki nəfər qətlə yetirilib. Dövlət televiziyasının xəbərinə əsasən üsyanda iştirak edən 8 nəfərin həbs edildiyini, digərlərinin isə ələ keçirdikləri silahlarla qaçdığı bildirilir.

Maduro muzdlu əsgərlər adlandırdığı 20 nəfər silahlının hərbi bazaya hücum etdiklərini və silah anbarına girdiklərini bildirib. Televiziyada açıqlama verən Maduro: "Bu ordumuza qarşı həyata keçirilən terror cəhdidir"-deyib. Maduro üsyançıların ABŞ və Kolumbiya tərəfindən maliyələşdirildiyini iddia edib.

Hikmət Həsənov
Ölkə.Az