Bu ölkələr Ukraynanı qoruyacaq

Ukraynaya göndərmək üçün NATO-nun silahı yoxdur.

Ölkə.Az TASS agentliyinə istinadən xəbər verir ki, NATO ölkələri Ukraynanı kiberhücumlardan qorumaq fikrindədirlər.

Ümumillikdə bu işə NATO tərəfindən 700 milyon dollar ayrılacaq. Ukraynaya kiber yardımın göstərilməsi təşəbbüsünü Rumınıya, Estoniya və Macarıstan dəstəkləyib. Məhz bu ölkələr Ukraynaya kiberhücumlarda qorunmaqda kömək edəcək. Bildirilir ki, NATO-nun ekspertləri ukraynalı mütəxəssislərin öyrədilməsi ilə məşğul olacaq. Eyni zamanda, lazımi texniki avadanlıqların təqdim olunması da NATO ekspertlərinin üzərinə düşür. NATO ölkələrinin xarici işlər nazirləri Ukraynada hərbi islahatların dəstəklənməsi ilə məşğul olacaq 4 fond yaradacaqlar.

Xatırladaq ki, alyansın rəhbəri Yens Stoltenberq bəyan etmişdi ki, Ukraynaya göndərmək üçün NATO-nun silahı yoxdur.

Rəşid Mustafazadə

Ölkə.Az