Misirdə polisə hücum etdilər
Misirdə təhlükəsizlik qüvvələrinə hücum edilib.
"Ölkə.Az" xəbər verir ki, polis maşınına edilən silahlı basqın nəticəsində 4 polis işçisi həlak olub.
Misirin Sina yarımadasındakı Əl Ariş şəhərində polis avtomobilinə atəş açılıb. Hücum nəticəsində 4 polis məmuru həlak olub.
Hücumçuların həbs edilməsi üçün təhlükəsizlik qüvvələri hərəkətə keçiblər.
2013-cü ildə Misirdə hərbi çevriliş nəticəsində prezident Məhəmməd Mursi hakimiyyətdən uzaqlaşdırıldıqdan sonra təhlükəsizlik qüvvələri və hərbçilərə qarşı hücumların sayı çoxalıb.
Qeyd edək ki, dünən də terrorçular Əl Ahramda iki polisi qətlə yetirib, bir nəfəri də yaralayıblar.
Hikmət Həsənov
Ölkə.Az
