Şimali Koreya Quama raket zərbəsi endirəcəyi tarıxı açıqladı
"Ölkə.Az" xəbər verir ki, açıqlamaya əsasən Quam adasına 4 raket zərbəsi endiriləcək və plan avqust ayında hazır olacaq.
ABŞ və Şimali Koreya arasında raket qalmaqalı davam edir. Rəsmi Pxenyan Quamı orta mənzilli raketlə vuracağı planın tarixini açıqlayıb.
Açıqlamaya əsasən ABŞ-a aid muxtar Quam adalarının sahillərinə 4 ədəd orta mənzilli raket hücum planı avqust ayında hazır olacaq. Açıqlamaya əsasən Şimali Koreya lideri Kim Çen İnin təsdiqi gözlənilir.
Şimali Koreya ordusu məsələ ilə bağlı açıqlama verib: "Planı hazırlayacağıq və Quamı vurmq üçün ali baş komandanın əmrini gözləyəcəyik". Şimali Koreya rəsmiləri Trampın təhdidlərini "bir ovuc axmaqlıq" adlandırıb.
Qeyd edək ki, Quam adasındakı Anderson hərbi hava bazası ilə Şimali Koreya arasında 3.400 km məsafə var.
Hikmət Həsənov
Ölkə.Az
