İran prezidenti iki qadını köməkçisi təyin edib

 "Ölkə.Az" xəbər verir ki, Ruhani kabinetini sadəcə kişilərdən təşkil etdiyi üçün reaksiyalarla üzləşib. Bu səbəbdən İran prezidenti iki qadını köməkçisi, birini isə insan haqları müşaviri təyin edib.

İranın islahatçılar qanadı Ruhaninin kabinetində qadınlara yer verməməsini mühafizəkar gücə boyun əydiyinin sübutu kimi qəbul edir. Ruhanini dəstəkləyənlər üçün kabinetdə bir qadın nazirin təmsil olunması böyük əhəmiyyətə malikdir.

İran İslam İnqilabından bu yana cəmi bir qadın kabinetdə təmsil olunub. Sabiq prezident Mahmud Əhmədinejad 2009-2013-cü illərdə Mərziyə Dastjerdini səhiyyə naziri təyin etmişdi.

Ruhani həm də sünnilərə kabinetində yer vermədiyi üçün tənqid edilir. İran əhalisinin 10 faizi sünni təriqətinə inanır.

Hikmət Həsənov
Ölkə.Az