İran 7 əsrlik kilsə zəngini Türkiyəyə qaytarır

"Ölkə.Az" xəbər verir ki, kilsə zəngi Qərbi Azərbaycan əyalətinin mərkəzi sayılan Urmiya şəhərindəki antropologiya muzeyində nümayiş etdirilir.

Vanın Müqəddəs Məryəm Kilsəsinə 1388-ci ildə hədiyyə edilən kilsə zəngi hazırda Urmiya şəhərindəki muzeydədir. İranın mədəni miras, əl işləri və turizm idarəsinin sədr müavini Mir Hadi Qara Seyid Rumyani Urmiya muzeyinə səfər edib və kilsə zənginin Vana geri qaytarılacağını bildirib.

İranlı dövlət rəsmiləri bildiriblər: "Ölkəmizə aid olan tarixi əsərlərin ölkəyə qaytarılmasına çalışırıq. Eyni şəkildə də başqa ölkələrə məxsus olduğu təsdiq edilən, ölkəmizdə olan tarixi əsərləri qanuni prosedurdan sonra sahiblərinə təhvil veririk".

Hikmət Həsənov
Ölkə.Az