Türkiyə Prezidenti Ramil Quliyevi belə təbrik etdi
Türkiyəni təmsil edən azərbaycanlı Ramil Quliyev Londonda keçirilən dünya çempionatında qızıl medal qazanıb.
"Ölkə.Az" xəbər verir ki, bu medal 94 illik Türkiyə respublikasının Dünya Atletizm Çempionatında ilk qələbəsidir. Bu səbəbdən Ramilin qələbəsi Türkiyədə böyük rezonansa səbəb olub.
"Fənərbaxça" klubunun prezidenti bu qələbədən çox qürur duyduğunu və göz yaşlarına hakim ola bilmədiyini deyib.
Türkiyə prezidenti Rəcəb Tayyip Ərdoğan da idmançıya təbrik teleqramı göndərib. Bundan başqa Türkiyə prezidenti Tvitter səhifəsində də Ramili təbrik edib. Ərdoğan yazıb: ""Dünya Atletizm Çempionatı kişilər arasında 200 metrədə qızıl medal qazanıb bizi qürurlandıran Ramil Quliyevi ürəkdən təbrik edirəm".
Hikmət Həsənov
Ölkə.Az
