Fransa Parlamenti Fələstinin müstəqilliyini tanıdı

Fransa parlamenti ötən gün Fələstin dövlətinin tanınmasına səs verib.

Ölkə.az-ın "Franse-Presse" agentliyinə istinadən verdiyi xəbərə görə, Fransa senatının 339 deputatı bu məsələnin lehinə, 151 deputatı isə əleyhinə səs verib. Bununla da deputatlar hökuməti Fələstini dövlət kimi tanımağa çağırıb.

Qeyd edək ki, Fransadan əvvəl analoji addımlar Böyük Britaniya və İspaniya tərəfindən atılmışdı.

"Frans Press" məlumat verir ki, səsvermənin nəticəsi Fransanın xarici siyasətin müəyyənləşdirilməsində təsir gücünə malik deyil. Buna baxmayaraq agentlik İsrailin bu addıma neqativ reaksiya verəcəyini də istisna etmir.

Xatırladırıq ki, Fələstinin BMT-də nümayəndəliyinin açılmasından sonra bu ərəb dövlətinin tanınması istiqamətində böyük işlər görülür. Fələstinin tanımağa əsasən Avropa dövlətlərinin başlaması isə İsraili daha çox məyus etməkdədir. Çünki yəhudu dövlətinin qurulduğu vaxtdan indiyədək başda ABŞ olmaqla Avropanın bütün aparıcı dövlətləri İsraili həmişə müdafiə etmiş, onun Yaxın Şərqdə var olması üçün əllərindən gələni etmişdilər.

Ölkə.az