Afrikada dəhşətli torpaq sürüşməsi
Qərbi Afrika ölkəsi Syerra Leonedə aramsız yağan leysan yağışları təbii fəlakətə səbəb olub.
"Ölkə.Az" xəbər verir ki, yağış nəticəsində baş verən torpaq sürüşməsi yüzlərlə insanın ölümünə səbəb olub. Ölkə prezidentinin köməkçisi açıqlama verərək torpaq altında yüzlərlə insanın qaldığını bildirib.
Hadisə paytaxt Fritounda baş verib. Regent dağlarının ətəklərində qanunsuz inşa edilən evlərin çox olması isə ölü sayının çoxalacağına işarə edir.
Prezidentin köməkçisi Viktor Foh deyib: "Bu çox ciddi fəlakətdir. Dağıntılar altında yüzlərlə meyit var. Özümü qorxunc hiss edirəm. İnsanları xilas etmək üçün bir dəhliz yaratmağa çalışırıq. İnsident gecə saatlarında baş verdiyi üçün ölənlərin əksəriyyəti yuxuda olan insanlardır".
Hikmət Həsənov
Ölkə.Az
