Hindistanda daşqınlar 100 nəfərin ölümünə səbəb oldu
Hindistanın şimalında leysan yağışları daşqınlara səbəb olub.
"Ölkə.Az" xəbər verir ki, təbii fəlakət nəticəsində 100-dən çox yerli sakin həlak olub.
Əvvəlcə 64 nəfərin öldüyü barədə xəbər yayıldı. Onlardan 48-i Ximaçal-Pradeş ştatında baş verən torpaq sürüşməsində həlak olub.
Assam ştatında isə 20 nəfər həlak olub. 183 min sakin isə çadır düşərgələrində yaşayır.
Bixar ştatında ölənlərin sayı artıb. Son iki gün ərzində regionda 41 nəfər həlak olub. Uttarakxand ştatında isə 25 nəfər torpaq sürüşməsinin qurbanı olub.
Qeyd edək ki, ötən həftədən Hindistanın şimalı, Nepal və Banqladeş leysan yağışlarından əziyyət çəkir. Nepalda 91 nəfər həlak olub, 38 nəfər itkin düşüb. Banqladeşdə isə 28 nəfər həlak olub.
Hikmət Həsənov
Ölkə.Az
