Afrikada torpaq sürüşməsində ölənlərin sayı 400-ə çatdı
Qərbi Afrika ölkəsi Sierra-Leonedə baş verən təbii fəlakətin dəhşətli nəticələri açıqlanıb.
"Ölkə.Az" xəbər verir ki, həftənin bazar ertəsi paytaxt Fritounda baş verən torpaq sürüşməsində ölənlərin sayı 400-ə çatıb.
Bu gün dağıntılar altından 100-dən çox insanın meyiti çıxarılıb. Sierra-Leone prezidenti Ernest Bai Koroma böyük bir fəlakət baş verdiyini bildirirərək təcili yardım çağırışı edib.
Bölgədəki morqlarda yer qalmadığı üçün yaxın vaxtlarda kütləvi məzarlıqlarda insanları dəfn edəcəklər.
Qeyd edək ki, bazar ertəsi baş verən leysan yağışı torpaq sürüşməsinə səbəb olub. Fəlakət vaxtı insanlar yuxuda olduqları üçün faciənin miqyası böyük olub. Təbii fəlakət nəticəsində 3 mindən çox insan evsiz qalıb.
Hikmət Həsənov
Ölkə.Az
