Kerri: "Sona qədər İŞİD-lə mübarizə aparacağıq"

Kerri: ABŞ-ın rəhbərliyi ilə koalisiya İŞİD-ə qalib gəlməyə qadirdir

Ölkə.Az Rosbalt agentliyinə istinadən verdiyi xəbərə görə, ABŞ dövlət katibi Con Kerri bəyan edib ki, İŞİD-lə mübarizəyə yönəlmiş beynəlxalq koalisiya terrorçu qruplaşmanı məğlub etməyə qadirdir.

Brüsseldə koalisiya ölkələrinin nazirlətinin iclasında çıxış edən Kerri qeyd edib ki, koalisiyanın operativ şəkildə formalaşdırılması onun İŞİD-lə mübarizədə qalib gəlmək əzmində olduğunun göstəricisidir.

Kerri bəyan edib ki, Vaşınqtonun rəhbərliyi altında koalisiya İŞİD-ə qarşı hər hansı zaman məhdudiyyəti tətbiq etmir və mübarizə lazım olana qədər davam edəcək.

Rəşid Mustafazadə

Ölkə.Az